RIPVN | កាលពីថ្ងៃទី២១ ខែតុលា ឆ្នាំ២០២១ រដ្ឋសភាអូស្ត្រាលីបានរៀបចំពិធីសច្ចាប្រនិធានចូលកាន់តំណែងជូនលោកជំទាវ ដាំ ស៊ីនឌី គីរ៉ូ (Dame Cindy Kiro) ក្រោយពីមានបង្គាប់ពីព្រះមហាក្សត្រិយនីឲ្យស្ត្រីជនជាតិដើម ម៉ៅរី (Maori) រូបនេះក្លាយជាអគ្គទេសាភិបាល ។
លោកជំទាវអគ្គទេសាភិបាលអូស្ត្រាលីបានសន្យា ក្នុងនាមជាថ្នាក់ដឹកនាំមួយរូប ថាលោកស្រីនឹងផ្តល់សេវាគាំពារឲ្យបានដិតដល់លើពលរដ្ឋក្រីក្រ រួមទាំងជនចំណាកស្រុកទាំងអស់ ។
បន្ថែមពីនោះ លោកជំទាវ បានបង្ហាញសេចក្តីអំណររីករាយជាប៉ុនពេក ដោយ ខ្លួនពិតជាមានមោទនភាពណាស់ចំពោះកេរ្តិ៍មរតករួមគ្នារបស់ជនជាតិម៉ៅរី និងជនជាតិអង់គ្លេស ។
ក្នុងតំណែងជាអគ្គទេសាភិបាល លោកជំទាវនឹងទទួលបន្ទុកលើការងារជាច្រើនក្នុងរដ្ឋធម្មនុញ្ញ និងជាតំណាងឲ្យព្រះមហាក្សត្រីយនីនៃចក្រភពអង់គ្លេស អេលីហ្សាបេតទីពីរ នារៀងរាល់ការប្រារព្ធពិធីបុណ្យជាតិ ។
ក្នុងពិធីនេះផងដែរ លោកជំទាវអគ្គទេសភិបាលបានបញ្ជាក់ច្បាស់ថា ដើម្បីធ្វើឲ្យសហគមន៍នីមួយៗ មានការរីកចម្រើនដោយចីរភាព បុគ្គលគ្រប់រូបត្រូវតែមានទំនាក់ទំនងល្អ រស់នៅជាមួយគ្នា គោរពគ្នាទៅវិញទៅមក និងយល់ដឹងអំពីតួនាទីជាម្ចាស់ទឹកដីរបស់ខ្លួន ដើម្បីខិតខំរួមគ្នាកសាងសហគមន៍ឲ្យមានការអភិវឌ្ឍ ។
ទន្ទឹមនឹងនោះ លោកស្រីក៏បានសន្យាភ្ជាប់ទំនាក់ទំនងជាមួយជនភៀសខ្លួន និងជនចំណាកស្រុកថ្មីចាស់ទាំងឡាយគ្រប់រូប រួមទាំងបានធ្វើការអបអរសារទរដល់ប្រជាពលរដ្ឋដែលមានវប្បធម៌ និងសាសនាចម្រុះ កំពុងរស់នៅ និងផ្តល់ផ្លែផ្កាយ៉ាងសម្បូណ៌បែបលើទឺកដីនូវែលសេឡង់កន្លងមក ។
គួរបញ្ជាក់ផងដែរថា ជនជាតិដើម ម៉ៅរី ចំនួន ១៧% នៃប្រជាជននូវែលសេឡង់ កំពុងប្រឈមនឹងវិបត្តិវិសមភាពក្នុងសង្គម និងសេដ្ឋកិច្ច ។
បញ្ហាចម្បងដែលពួកគេតែងតែជួបប្រទះគឺ រឿងរ៉ាវយុត្តិធម៌ព្រហ្មទណ្ឌ និងសេវាសុខភាពសាធារណៈ ពិសេសគឺការថែទាំសុខភាព និងព្យាបាលជម្ងឺកុមារ នៅមានភាពខ្វះខាតខ្លាំង ។