Press "Enter" to skip to content

មន្ត្រី អ.ស.ប. ៖ ជនជាតិដើម​នៅអាស៊ីរងផលប៉ះពាល់ដោយសារការរំលោភដីធ្លី

RIPVN | អ្នកជំនាញសិទ្ធិមនុស្សអង្គការសហប្រជាជាតិបាននិយាយថា ជនជាតិដើមនៅតំបន់អាស៊ី កំពុងប្រឈមមុខនឹងការផ្លាស់ទីលំនៅ បរិស្ថានរបស់ពួកគេត្រូវបានបំផ្លាញ និងការកើនឡើងនូវភាពក្រីក្រ ដោយសារការរំលោភយកដីធ្លី ។

«ការកើនឡើងនៃគម្រោងអភិវឌ្ឍន៍ធំៗដូចជា ទំនប់វារីអគ្គិសនី ការជីកយករ៉ែ និងការកាប់បំផ្លាញព្រៃឈើ បានបង្កការរំលោភសិទ្ធិមនុស្សយ៉ាងធ្ងន់ធ្ងរ បណ្ដាលឲ្យជនជាតិដើមបាត់បង់ទឹកដី និងធនធានរបស់ពួកគេ» នេះ​ជា​ប្រសាសន៍របស់​ លោក Francisco Cali-Tzay អ្នករាយការណ៍ពិសេសរបស់អង្គការសហប្រជាជាតិស្តីពីសិទ្ធិជនជាតិដើម យោងទៅតាមការពិគ្រោះយោបល់ក្នុងតំបន់មួយ​ បាន​រៀបចំដោយអ្នកកាន់តំណែងរបស់លោកពីអាណត្តិមុន ដែលប្រារពឡើង​នៅ​ទីក្រុងបាងកក ។

បញ្ហានេះនឹងត្រូវបង្ហាញទៅក្រុមប្រឹក្សាសិទ្ធិមនុស្សនៅខែកញ្ញា នេះបើតាមការចេញផ្សាយរបស់​ស្ថាប័ន​អង្គការ​សហប្រជាជាតិ​មួយ​នេះពីទីក្រុងហ្សឺណែវ កាលពីថ្ងៃទី ៨ ខែកញ្ញា ​កន្លងទៅ​នេះ ។

រដ្ឋនានាត្រូវចាត់វិធានការ ដើម្បីទប់ស្កាត់អំពើហិង្សា និងបទឧក្រិដ្ឋមកលើជនជាតិដើម ដែលកើតឡើងដោយសារការប្រើប្រាស់សិទ្ធិ និងការការពារដែនដីរបស់ពួកគេ ។ ការពង្រឹងបទបញ្ញត្តិរបស់ក្រុមហ៊ុនឯកជនគឺជាការចាំបាច់ ។

នៅទូទាំងតំបន់ ជនជាតិដើម ជាពិសេសស្ត្រី និងជនពិការ នៅតែបន្តទទួលការរើសអើង នេះ​បើ​តាម​អ្នក​រាយការណ៍​ពិសេស​រូបនេះ ។

ដើម្បីបំពេញនូវការប្តេជ្ញាចិត្ត ចំពោះការអភិវឌ្ឍន៍ដែលមិនទុកឲ្យនរណាម្នាក់នៅពីក្រោយ (Leave no one behind) រដ្ឋ​ត្រូវ​មាន​កាតព្វកិច្ចចំពោះជនជាតិដើម ត្រូវដាក់ជាអាទិភាពហើយឆ្លុះបញ្ចាំងនៅក្នុងវិធានការគោលនយោបាយ និងការបែងចែកធនធាន​ឲ្យ​បាន​ត្រឹមត្រូវ ។

លោក លោក Francisco  ជឿជាក់ថា ៖ «ការលើកកម្ពស់សិទ្ធិរបស់ជនជាតិដើម និងទំនៀមទម្លាប់ប្រពៃណីរបស់ពួកគេ គឺជាគន្លឹះដើម្បីសម្រេចបាននូវការអភិវឌ្ឍ ប្រកបដោយចីរភាព ទប់ទល់នឹងការប្រែប្រួលអាកាសធាតុ និងការអភិរក្សជីវៈចម្រុះ» ។